Wéi d'Police matgedeelt huet, sinn an der vergaangener Woch dräi jonk Patienten aus dem Ettelbrécker CHNP fortgelaf. Eng vun de vermësste Persounen ass zwar an Tëschenzäit vun der Dikrecher Police erëm agefaange ginn, ma vun zwee Jugendleche feelt nach ëmmer all Spur.

Bei engem vun den Ausräisser handelt et sech ëm de mannerjärege Luis Cesrio Belo Simoes De Abreu. D'Police freet an deem Kontext, sämtlech Hiwäiser zum Vermëssten direkt um 133 ze mellen.

Bei engem Familljedrama an der Géigend vu Kassel huet e Papp sech a seng véierjäereg Duechter ëmbruecht. De klenge Bouf vun engem Joer ass uerg blesséiert ginn a schwieft a Liewensgefor, wéi d'Police en Donneschden zu Kassel matgedeelt huet.

Éischten Ermëttlunge no, huet den 52-Jäeregen eng Sprengung a sengem Auto verursaacht, bei deem hien ëm d'Liewe komm ass. “En Accident kënne mir wéinst der Spurefeststellung ausschléissen”, sou eng Spriecherin vun der Police. “Et war e