Wéi d'Police matgedeelt huet, hat eng Automobilistin, géint 17.15 Auer tëscht Beidler a Buddelerbaach, d'Kontroll iwwert hiren Auto verluer. An enger Lénkskéier ass si deemno un d'Schleidere geroden, ass an de Gruef gefuer an huet sech doropshin iwwerschloen.

D'Fra sollt mat engem Schrecken dovu kommen, ass awer zur Kontroll an d'Spidol bruecht ginn. De Centre d'Intervention vu Gréiwemaacher war op der Plaz.

Wéi d'Police matgedeelt huet, hat eng Automobilistin en Donneschden, géint 16.15 Auer, an der Rue de Beyren zu Mënsbech e Schutzengel bei sech am Auto. D'Fra war vun Uewersyren a Richtung Mënsbech ënnerwee.

Wéinst engem Stau huet si misse stoe bleiwen, op de Gleisen. Op eemol sinn awer d'Barrièren zougaang an d'Fra war an der Fal. Den Zuchführer huet nach getut, konnt en Zesummestouss awer net verhënneren.

D'Lokomotiv huet den Auto glécklecherweis awer nëmme gesträift. Doduerch ass der Fra zwar