Am Kambodscha, wou Gezai a Sportsartikel och fir däitsch Firmen, wéi Adidas a Puma hiergestallt ginn, sinn e Méinden zéngdausenden Aarbechter an de Streik getrueden, sou déi kambodschanesch Gewerkschaften. Um Opstand bedeelege sech deemno ronn 60.000 Mënschen aus 40 Fabriken an domat sinn 10 Prozent vun den Textilfabriken am Land betraff.

D'Aarbechter protestéiere géint eng Eenegung vun der Regierung an der Industrie, bei deem de Mindestloun fir Textilaarbechter op 61 Dollar (48 Euro) de Mount festgesat gi sinn.

Eng Evakuéierung vun de Noutlager am Zentrum vun der Haaptstad Port-au-Prince, déi nom schwéieren Äerdbiewen am Januar opgeriicht gi waren, gëtt virbereet, huet d'Nadia Locgard, Vertriederin vum Zivilschutz ugekënnegt. Deemno sinn d'Lageren duerch Äerdrutschen an Iwwerschwemmungen a Gefor.

D'Autoritéite vum Land rechne mat schwéiere Reefäll an de kommenden zwee Deeg. D'Meteorologe vum Nationale Wiederdéngscht hunn donieft Angscht, dass de Wierbelstuerm “Igor” iwwert den Atlantik weider u