De Scanner taascht d'Passagéier mat Millimeterwellen of a soll sou um Kierper oder an der Kleedung verstoppte Waffen a Sprengstoff entdecken. Verdächteg Géigestänn ginn dann op engem Bildschierm op engem stiliséierte Kierperëmress duergestallt.

Déi ëmstridde Maschinnen, déi elo schonn an den USA an e puer aneren europäesche Länner am Asaz sinn, sollen d'Kontrollen u Flughäfe méi séier a méi effektiv maachen. D'Prouf vun den zwee Scannere soll viraussiichtlech en halleft Joer daueren.

E schwéiert Busongléck op naasser Autobunn hat vergaangene Sonnden an der Géigend vu Berlin insgesamt 13 Mënschen d'Liewe kascht. Um Schönefelder Kräiz südlech vu Berlin ass e polnesche Reesbus géint e Bréckenpoteau geknuppt, nodeems eng Autosfuererin op der Opfahrt fir op d'A10 d'Kontroll iwwert hiert Gefier verluer hat an, an de Bus gerannt war.

Fir wat déi 37-jäereg Fra d'Kontroll verluer hat, ass der Police no nach onkloer. Ob Middegkeet, de Reen oder Onopmierksamkeet eng Roll gespillt hunn, muss nach