De Moien sinn d'Stroossen entlaang der Mousel erëm opgemaach ginn, nodeems d'Botz-Zerwisser vun der Gemeng se vum Bulli befreit hunn.

D'Esplanade vu Réimech ass degagéiert. D'Route du Vin tëscht Ehnen a Waasserbëlleg an d'N10 tëscht Réimech a Schengen si säit haut de Moien erëm accessibel. D'Streck tëscht Schengen a Frankräich geet am Laf vum Dag erëm op.

Foto: © Faith

Wéi d'Police matgedeelt huet, ass et hannert engem Bauerenhaus zu Steeën an enger 6-7 Meter héijer Hal zu engem serieuxe Brand komm.

Et ass en däitleche materielle Schued festgestallt ginn, mä et ass glécklecherweis kee blesséiert ginn.

Déi genau Ëmstänn vum Brand bleiwen nach onkloer.